أنسان داخل انسان

عمرك سمعت انسان في داخل انسان
هذا انت داخلني وساكن حياتي

نفسي تغار أحيان .. ترضى بك .. أحيان
ماتدري انك صرت روحي وذاتي

أنا ابيض اسود .. وانت كملت الألوان
رسمتني .. صورتني .. ياغناتي

أنا الأغاني والشعر .. وانت الالحان
انتجت فيني روح كل أمنياتي

انت الخمر .. وأنا اشربك .. وانت سكران
اندهك .. احس اسمك ثقيل بشفاتي

كلك عسل .. دمك ودمي .. ب/ شريان
أذوق نفسي بصبعي ياحلاتي

يا ازكى من الماء مرتوي منك عطشان
ياسلسبيل أدمج صفاه ب/ صفاتي

يا اعضاء جسمي .. يانتباهي .. يالأذهان
ياصحوتي .. ياغفوتي .. يامباتي

فيني وشوفك بالنظر كلك جنان
يادنيتي .. ياضحكتي .. ياغلاتي